گورنر سندھ محمد زبیر اور وزیراعلیٰ سندھ سید مراد علی شاہ نے دائودی بوہرہ جماعت کے روحانی پیشوا مفضل سیف الدین کو ایئرپورٹ پر رخصت کیا ،جوکہ کراچی کا ایک ماہ کا دورہ مکمل کرکے انڈیا روانہ ہوگئے۔
مفضل سیف الدین نے وزیراعلیٰ سندھ کی جانب سے بہترین مہمان نوازی کرنے پر شکریہ ادا کیا ،اور کہا کہ کراچی کے لوگ بہت اچھے مہربان اور مہمان نواز ہیں۔
گورنر سندھ نے اس موقع پر کہا کہ ڈاکٹر مفضل سیف الدین کی کراچی میں قیام اور محرم کی مجالس سے خطاب سے پاکستان کا مثبت تاثر اجاگر ہوا،بوہرہ کمیونٹی کے سربراہ کی پاکستان آمد اور طویل قیام پر ان کے مشکور ہیں۔
انہوں نے مز ید کہا کہ بوہری کمیونٹی نے صوبہ کی تعمیر و ترقی میں نمایاں کردار ادا کیا ہے،امید ہے سیدنا صاحب مستقبل میں بھی کراچی آتے رہیں گے۔
خبر: جنگ
